उदगाव (जिल्हा कोल्हापूर) येथे कृष्णा नदीच्या पुलावरून वाहन कोसळून ३ ठार, तर ३ गंभीर घायाळ !

सांगली, २९ नोव्हेंबर (वार्ता.) – कोल्हापूर रस्त्यावरील उदगावजवळील कृष्णा नदीच्या पुलावरून चारचाकी वाहन खाली कोसळून झालेल्या भीषण अपघातात ३ जण ठार, तर ३ जण गंभीर घायाळ झाले आहेत. ही घटना २८ नोव्हेंबरला घडली. सांगली येथील गावभागमधील प्रसाद खेडेकर, त्यांच्या पत्नी प्रेरणा आणि वैष्णवी संतोष नार्वेकर अशी मृतांची नावे आहेत, तर समरजीत खेडेकर, वरद संतोष नार्वेकर आणि साक्षी संतोष नार्वेकर ही गंभीर घायाळ झालेल्यांची नावे आहेत.

स्थानिक नागरिक अणि जयसिंगपूर पोलीस यांनी अपघातस्थळी जाऊन घायाळ झालेल्यांना सांगली शासकीय रुग्णालयात उपचारासाठी भरती केले. यापूर्वी याच ठिकाणी आतापर्यंत ३ वेळा चारचाकी वाहनांचे अपघात झाले आहेत.