पू. (सौ.) अश्‍विनीताईंसारखे घडण्या देवा, आम्हा आशीर्वाद द्यावा !
पू. (सौ.) अश्‍विनी अतुल पवार यांचा कार्तिक कृष्ण एकादशी (२६.११.२०२४) या दिवशी ३५ वा वाढदिवस झाला. त्या निमित्ताने साधकांनी अर्पण केलेले काव्यपुष्प येथे दिले आहे.
आईसारखे दैवत सार्‍या जगतावर नाही ।
बोट धरूनी आम्हास शिकवी पू. (सौ.) अश्‍विनीताई ॥ १ ॥
तीच शिकवी, ती सांभाळी, सेवारत ती सदैव राही ।
देवासम झुकवतो मस्तक संतांच्या पायी ॥ २ ॥
साधनेने साधक घडला, भावाने हा अर्थ उमगला ।
प्रत्येक प्रसंगी वाट दाखवी पू. (सौ.) अश्‍विनीताई ॥ ३ ॥
ध्यास असे माऊलीला आम्हा साधकांना घडवण्याचा ।
स्वभावदोष-अहं दूर करूनी आनंद देते भावविश्‍वाचा ॥ ४ ॥
आता मागणे एकची देवा, संत अन् गुरु यांचा विसर न व्हावा ।
ताईंसारखे घडण्या देवा, आम्हा आशीर्वाद द्यावा ॥ ५ ॥
‘आईसमान सर्व साधकांवर प्रीतीचा वर्षाव करणार्‍या
पू. (सौ.) अश्‍विनीताईंच्या चरणी कृतज्ञतापूर्वक नमस्कार !’
– वैद्यकीय सेवेशी संबंधित साधक, सनातन आश्रम, देवद, पनवेल.
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. |