प्रकाश आंबेडकर (म्हणे) ‘महंमद पैगंबर यांच्या नावाने वंचित बहुजन आघाडीला मत द्या !’

वंचित बहुजन आघाडीचे प्रकाश आंबेडकर यांचे मुसलमानांना आवाहन

मुंबई – तुमचे मत महंमद पैगंबर यांच्या नावाने वंचित बहुजन आघाडीला द्या, असे आवाहन वंचित बहुजन आघाडीचे प्रकाश आंबेडकर यांनी मुसलमान समाजाला केले. याविषयीचा व्हिडिओ सामाजिक माध्यमांत प्रसारित झाला आहे. ‘महंमद पैगंबर विधेयकाचे कायद्यात रूपांतर करायचे असेल, तर मुसलमान बांधवांनी वंचित बहुजन आघाडीला मतदान करावे. तसे झाल्यास पैगंबरांना विरोध करणार्‍या नुपूर शर्मा या महिलेवर कारवाई करता येईल’, असेही त्यांनी सांगितले.