सरोज पाटील (म्हणे), ‘तुमची मुले त्या संभाजी भिडेच्या नादाला लागली आहेत का बघा ? त्या गटार गंगेत आपल्या मुलांना जाऊ देऊ नका !’

संपादकीय भूमिका

पू. संभाजीराव भिडेगुरुजी यांनी सहस्रो युवकांना दिशा देऊन देव, देश आणि धर्म यांच्या रक्षणासाठी कृतीशील केले आहे. त्यांच्या प्रेरणेमुळे अनेक युवक व्यसनमुक्त झाले आहेत. वयाच्या ८७ वर्षीही पू. संभाजीराव भिडेगुरुजी अहोरात्र छत्रपती शिवाजी महाराज आणि छत्रपती संभाजी महाराज यांच्या विचारांची पिढी घडवण्यासाठी धडपडत आहेत.

याउलट शरद पवार यांच्या राष्ट्रवादी काँग्रेस पक्षाची स्थापना झाल्यापासून त्या पक्षाच्या माध्यमातून सातत्याने समाजात जातीयवादाद्वारे फूट पाडणे, हिंदूंच्या संतांची जातीच्या आधारे विभागणी करून त्यांच्यावर चिखलफेक करणे, यांसारख्या अनेक समाजघातकी कृती घडत आहेत. त्यामुळे सरोज पाटील यांनी पू. गुरुजींसारख्या ऋषितुल्य व्यक्तीमत्त्वावर केलेली टीका म्हणजे सूर्यावर थूंकण्यासारखे आहे !