Shivamogga Muslim Girl Beaten Up : हिंदु मुलासमवेत फिरल्याने मुसलमान मुलीला इस्लामी कट्टरवाद्यांकडून मारहाण !

शिवमोगा (कर्नाटक) – कर्नाटकातील शिवमोगामध्ये एका मुसलमान मुलीला हिंदु मुलासमवेत फिरल्याविषयी इस्लामी कट्टरतावाद्यांनी मारहाण केली. नंतर या कट्टरतावाद्यांनी तिला मशिदीत नेले आणि तेथे तिला पुन्हा मारहाण केली. आरोपींच्या विरोधात पोलिसांत तक्रार प्रविष्ट (दाखल) करण्यात आली आहे. आरोपींमध्ये मकबूल पाशा, तोहिद, रफीक तसीना, तंजिया, कलीम, सुन्नू, नसरुल्ला, अब्दुल, जिशान, रिझवान, अब्दुल्ला, अब्बास अली आणि अकबर यांचा समावेश आहे.

याविषयीच्या एका वृत्तानुसार, एका मुसलमान तरुणीला गावात हिंदु मुलासमवेत फिरतांना काही मुसलमान तरुणांनी पाहिले. त्यांनी तिला अडवून जाब विचारला. त्यावर तिने काहीही चुकीचे केले नसल्याचे त्यांना सांगितले. तेव्हा त्या मुसलमान तरुणांनी तिच्यावर आक्रमण केले. या प्रकरणी पोलीस पुढील अन्वेषण करत आहेत.