Netanyahu House Attack : इस्रायलचे पंतप्रधान नेतान्याहू यांच्या घरावर बाँबद्वारे आक्रमण : जीवित हानी नाही

तेल अविव (इस्रायल) – उत्तर इस्रायलच्या सीझेरिया शहरात पंतप्रधान बेंजामिन नेतान्याहू यांच्या घराच्या दिशेने २ बाँब टाकण्यात आले; पण सुदैवाने हे बाँब घराबाहेरील बागेत पडल्याने जीवित हानी टळली. घटनेच्या वेळी पंतप्रधान आणि त्यांचे कुटुंबीय घरी नव्हते. या प्रकरणाची चौकशी करण्यात येत आहे. यापूर्वी १९ ऑक्टोबरलाही नेतान्याहू यांच्या घराला लक्ष्य करण्यात आले होते. तेव्हा ड्रोनच्या माध्यमातून त्यांच्या घरावर आक्रमण करण्याचा प्रयत्न झाला होता. त्या आक्रमणाचे दायित्व इराणचा पाठिंबा असलेल्या हेजबोल्ला या संघटनेने स्वीकारले होते.

नेतान्याहू यांच्या घरावरील आक्रमणानंतर संरक्षणमंत्री इस्रायल कॅटझ यांनी सांगितले की, शत्रूंनी आता सर्व मर्यादा ओलांडल्या आहेत. या घटनेनंतर सुरक्षा यंत्रणांना कठोर पाऊले उचलण्याचा आदेश दिला आहे.