पनवेल येथे तिकीट काढणारे यंत्र बिघडले !

पनवेल – येथील रेल्वेस्थानकावर लोकलचे तिकीट काढणारे यंत्र (ऑटोमॅटिक टिकट वेंडिंग मशीन) सतत बिघडत असल्यामुळे प्रवाशांना मोठा त्रास सहन करावा लागत आहे. तिकीट खरेदीसाठी मोठमोठ्या रांगांमध्ये उभे रहावे लागते. यामुळे प्रवासी त्रस्त होत आहेत. अशा प्रकारची यंत्रे घाटकोपर, अंधेरी, ठाणे आणि पनवेल स्थानकावर नादुरुस्त स्थितीत आढळली आहेत.