शेळगाव (जिल्हा सोलापूर) येथे दिंडीत टेंपो शिरल्याने दोन वारकर्यांचा मृत्यू !
सोलापूर – बार्शी तालुक्यातील शेळगाव येथे कार्तिकी एकादशीची वारी पूर्ण करून गावात परतणार्या वारकर्यांच्या दिंडीत भरधाव वेगाने जाणारा टेंपो शिरल्याने झालेल्या अपघातात २ वारकर्यांचा मृत्यू झाला असून ६ वारकरी गंभीर घायाळ झाले आहेत. ह.भ.प. वासुदेव गवळी आणि ह.भ.प. तुकाराम जाधव अशी मृतांची नावे आहेत. प्रतिवर्षाप्रमाणे गावातील सुमारे ५० वारकरी कार्तिकी एकादशी निमित्त पंढरपूरला विठ्ठल दर्शनाकरता गेले होते. वारी पूर्ण करून परततांना हा अपघात झाला.
सोलापूर-बार्शी महामार्गावर वैरागकडे भरधाव वेगाने जाणार्या टेंपोने पायी दिंडीला धडक दिली. या प्रकरणी वाहनचालक अशोक मेनकुदळे याला कह्यात घेण्यात आले आहे.