Rohingya Infiltrators Arrested : भारतात घुसण्याचा प्रयत्न करणार्‍या ६२३ रोहिंग्या आणि बांगलादेशी घुसखोरांना अटक !

आगरतळा (त्रिपुरा) – सीमा सुरक्षादलाने वर्ष २०२४ मध्ये ६२३ रोहिंग्या आणि बांगलादेशी घुसखोरांना भारतात घुसण्याचा प्रयत्न करतांना अटक केली. सीमा सुरक्षा दलाचे महानिरीक्षक पीयूष पुरुषोत्तम दास यांनी नुकतीच त्रिपुराचे खासदार कीर्ती देब बर्मा यांच्यासमवेत झालेल्या बैठकीत ही माहिती दिली. ६२३ घुसखोरांपैकी ५२ रोहिंग्या आणि ५७१ बांगलादेशी आहेत. सीमा सुरक्षा दलाने या घुसखोरांकडून ८७ कोटी रुपयांचे अमली पदार्थही जप्त केले आहेत.

त्रिपुरा-बांगलादेश सीमेवर गस्त वाढवली असून राज्य पोलिसांनाही सहकार्य करत असल्याचे सीमा सुरक्षादलाने म्हटले आहे. त्रिपुरा पोलिसांनी वर्ष २०२४ मध्ये ५० रोहिंग्या आणि बांगलादेशी घुसखोरांना आगरतळा रेल्वे स्थानकावरून अटक केली आहे.