PM Modi Congrats Donald Trump : पंतप्रधान नरेंद्र मोदी यांनी डॉनल्ड ट्रम्प यांना दूरभाष करून दिल्या शुभेच्छा !
भारत अन् अमेरिका यांच्यातील संबंध वृद्धींगत होण्यासाठी आम्ही एकत्र प्रयत्न करू !
नवी देहली – अमेरिकेच्या राष्ट्राध्यक्षपदाच्या निवडणुकीत डॉनल्ड ट्रम्प जिंकून आल्यानंतर भारताचे पंतप्रधान नरेंद्र मोदी यांनी ‘एक्स’वर पोस्ट करत ट्रम्प यांचे अभिनंदन केले होते. त्यानंतर रात्री उशिरा त्यांनी ट्रम्प यांना दूरभाष करून शुभेच्छाही दिल्या. या वेळी नेमकी कोणकोणत्या सूत्रांवर चर्चा झाली याविषयी सविस्तर माहिती समोर येऊ शकलेली नाही. तरी या संदर्भातील पोस्ट पंतप्रधान मोदी यांनी केली आहे.
Had a great conversation with my friend, President @realDonaldTrump, congratulating him on his spectacular victory. Looking forward to working closely together once again to further strengthen India-US relations across technology, defence, energy, space and several other sectors.
— Narendra Modi (@narendramodi) November 6, 2024
यात मोदी यांनी म्हटले की, माझे मित्र राष्ट्राध्यक्ष डॉनल्ड ट्रम्प यांच्याशी अतिशय उत्तम संवाद झाला. त्यांनी मिळवलेल्या अभूतपूर्व विजयाबद्दल त्यांचे मी अभिनंदन केले. तंत्रज्ञान, संरक्षण, ऊर्जा, अंतराळ आणि इतर अनेक क्षेत्रांमधील भारत अन् अमेरिका यांच्यातील संबंध वृद्धींगत होण्यासाठी आम्ही एकत्र प्रयत्न करू, यासाठी मी आशादायी आहे.