J&K Assembly Ruckus On Article 370 : जम्मू-काश्मीर विधानसभेत कलम ३७० चा फलक फडकवल्यावरून हाणामारी

आमदारांनी एकमेकांची कॉलर पकडून केली धक्काबुक्की !

श्रीनगर (जम्मू-काश्मीर) – जम्मू-काश्मीरच्या विधानसभेत कलम ३७० पुन्हा स्थापित करणारा प्रस्ताव ६ नोव्हेंबर या दिवशी प्रचंड गदारोळात संमत करण्यात आल्यानंतर ७ नोव्हेंबरला सत्ताधारी आणि विरोधी पक्ष यांच्या आमदारांमध्ये हाणामारी झाली. सभागृहात गदारोळ झाल्यानंतर अध्यक्षांनी विधानसभेचे कामकाज २० मिनिटांसाठी स्थगित केले.

Chaotic scenes in Jammu & Kashmir Assembly! 🚨

💥 MLAs clashed after Engineer Rashid’s brother showed Article 370 banner; BJP MLAs objected to the display followed by physical altercations and heated exchanges. 🤬🤬

This incident reveals that even after assembly elections were… https://t.co/qIEIYNXSZQ pic.twitter.com/93DFIIZgX9

— Sanatan Prabhat (@SanatanPrabhat) November 7, 2024

आमदार खुर्शीद अहमद शेख यांनी कलम ३७० लागू करण्याचा फलक सभागृहात फडकवला. यावर लिहिले होते, ‘आम्हाला कलम ३७० आणि ‘३५ अ’ पुनर्स्थापित करायचे आहे अन् सर्व राजकीय बंदीवानांची सुटका हवी आहे.’ या फलकाला भाजप आमदार आणि विरोधी पक्षनेते सुनील शर्मा यांनी विरोध केला. या वेळी त्यांच्या विरोधात घोषणाबाजी चालू झाली. शर्मा यांनी शेख यांच्याकडे जाऊन त्यांच्या हातातील फलक हिसकावून घेतला. या वेळी शेख यांच्या समर्थनार्थ सज्जाद लोन आणि वाहिद पारा अन् नॅशनल कॉन्फरन्सचे काही आमदार भाजप आमदारांशी भिडले. हा फलक फाडण्यासाठी संघर्ष झाला. दोन्ही बाजूंच्या आमदारांनी एकमेकांची कॉलर पकडून फलक हिसकावून घेण्यास चालू केले. गदारोळ वाढत असल्याचे पाहून मध्यस्थी करणार्‍या सुरक्षारक्षकांनी भाजप आमदारांना सभागृहाबाहेर हाकलून दिले.

फलक फडकवणारे आमदार खुर्शीद अहमद शेख बारामुल्लाचे लोकसभेचे खासदार इंजिनिअर रशीद यांचे भाऊ आहेत. रशीद यांना वर्ष २०१६ मध्ये आतंकवाद्यांना अर्थपुरवठा केल्याच्या आरोपाखाली अटक करण्यात आली होती. ते वर्ष २०१९ पासून तिहार तुरुंगात बंद होते. विधानसभा निवडणुकीपूर्वी त्यांना जामीन संमत करण्यात आला.