NCP Ajit Pawar Group Manifesto : ‘मुख्यमंत्री माझी लाडकी बहीण योजने’त प्रतिमास २ सहस्र १०० रुपये देण्याचे आश्‍वासन !
राष्ट्रवादी काँग्रेसचे घोषणापत्र प्रसिद्ध !
मुंबई – अजित पवार गटाच्या राष्ट्रवादी काँग्रेस पक्षाने मतदारसंघनिहाय निवडणुकीचे घोषणापत्र प्रसिद्ध केले आहे. या घोषणापत्रामध्ये ‘मुख्यमंत्री माझी लाडकी बहीण योजने’च्या अंतर्गत सध्या मिळत असलेल्या १ सहस्र ५०० रुपये या निधीमध्ये २ सहस्र १०० रुपये इतकी वाढ करण्याचे आश्‍वासन देण्यात आले आहे. ६ नोव्हेंबर या दिवशी बारामती येथे अजित पवार यांनी, तर मुंबईमध्ये प्रदेशाध्यक्ष सुनील तटकरे यांनी राष्ट्रवादी काँग्रेसचे घोषणापत्र प्रसिद्ध केले.
The NCP Ajit Pawar Group manifesto promises to offer 2,100 rupees to recipients every month, under the scheme ‘Mukhya Mantri Majhi Ladki Bahin Yojana’.
👉 The Election Commission should question the Political parties for misusing the taxpayer’s money, in a completely incautious… pic.twitter.com/UaoFYqfT0O
— Sanatan Prabhat (@SanatanPrabhat) November 6, 2024
या घोषणापत्रामध्ये निवृत्तीधारकांना प्रतिमास २ सहस्र १०० रुपये अर्थसाहाय्य, वीजदेयकामध्ये ३० टक्के कपात, शेतकर्‍यांना कर्जमाफी, अडीच लाख तरुणांना नोकर्‍या, ४४ लाख शेतकर्‍यांना विनामूल्य वीज, ५२ लाख कुटुंबांना ३ विनामूल्य गॅस सिलेंडर, ग्रामीण भागामध्ये ४५ सहस्र पाणंद रस्त्यांचे (पाणंद रस्ते म्हणजे सर्व शेतकर्‍यांच्या संमतीने आपआपल्या शिवारातून शेतमालाची किंवा शेती अवजारांची ने-आण करण्यासाठी निर्माण करण्यात आलेले कच्चे रस्ते) बांधकाम आदी आश्‍वासने देण्यात आली आहेत. अजित पवार यांनी ‘निवडून आल्यावर १०० दिवसांचे विकासाचे उद्दिष्ट घोषित करू’, असे सांगितले. मतदारसंघातील विकासकामे आणि घोषणापत्र यांच्या माहितीसाठी ९८६१७१७१७१ हा हेल्पलाईन क्रमांक देण्यात आला.
संपादकीय भूमिका
|