Spain Floods : स्पेनमध्ये अतीवृष्टीमुळे आलेल्या पुरात ९५ जणांचा मृत्यू !

माद्रिद (स्पेन) – स्पेनमध्ये अतीवृष्टीमुळे अचानक आलेल्या पुरात ९० हून अधिक लोकांचा मृत्यू झाला आहे. मृतांचा आकडा वाढण्याची शक्यता आहे. पूरग्रस्त भागातून लोकांना बाहेर काढण्यासाठी हेलिकॉप्टरचे साहाय्य घेतले जात आहे.

मुसळधार पावसामुळे स्पेनच्या पूर्व आणि दक्षिण भागात अचानक पूर आला. यामध्ये अनेक वाहने वाहून गेली. मालगाडी रुळावरून घसरल्याने रेल्वे मार्ग आणि महामार्ग यावरील वाहतूक विस्कळीत झाली आहे. स्पेनच्या आपत्कालीन कृतीदलाच्या १ सहस्राहून अधिक सदस्यांना पूरग्रस्त भागात तैनात करण्यात आले आहेत. बचावकार्यात साहाय्य  करण्यासाठी स्पेन सरकारने आपत्कालीन समितीची स्थापना केली आहे.