मिरज येथे हिंदुत्वनिष्ठ परिवाराच्या वतीने गोवत्स पूजन पार पडले !

मिरज, २९ आक्टोबर (वार्ता.) – येथील संभा तालीम चौक, सावरकर चौक येथे श्री शिवप्रतिष्ठान हिंदुस्थान, नदीवेस गणपति मंदिर ट्रस्ट, छत्रपती शिवाजी महाराज चौक येथे शिवजयंती उत्सव मंडळाच्या वतीने, वाटवे गल्ली आणि अन्य अनेक ठिकाणी वसुबारसच्या निमित्ताने २८ ऑक्टोबर या दिवशी गोवत्स पूजन पार पडले. गोपालकांनी मोठ्या संख्येने गायी-वासरे आणून चौकाचौकात बांधली होती. नदीवेस गणपति मंदिर ट्रस्टच्या वतीने गणपति मंदिरासमोर वसुबारसचे आध्यात्मिक महत्त्व कथन करणारा धर्मशिक्षण फलक लावून पूजन करण्यात आले. पूजनानंतर बजरंग दलाच्या वतीने महाआरती करण्यात आली.