पुणे येथे गटाराच्या झाकणावर फटाके फोडतांना चेंबरमधील गॅसमुळे स्फोट !
५ मुले घायाळ
पुणे – येथील सिंहगड रस्त्यावरील नर्‍हे भागातील गौरांग रेसिडेन्सी येथे एक घटना उघडकीस आली आहे. सोसायटीच्या गटारीच्या झाकणावर फटाके फोडतांना चेंबरमधील गॅसमुळे अचानक मोठा स्फोट झाला असून यात ५ मुले घायाळ झाली आहेत. स्फोटांमुळे गटाराचे झाकणही हवेत उडाले. या झाकणाचे तुकडे मुलांना लागल्याने मुले घायाळ झाली. या घटनेचा व्हिडिओ प्रसारित झाला असून फटाके फोडत असतांना काळजी घेण्याचे आवाहन पालकांना करण्यात आले आहे. या मुलांना पालकांनी तातडीने रुग्णालयात नेले. सुदैवाने मोठी दुर्घटना टळली. या प्रकरणी सिंहगड पोलीस ठाण्यात नोंद करण्यात आली आहे.