सद्गुरु राजेंद्रदादा म्हणजे देवद आश्रमातील प.पू. गुरुदेव प्रत्यक्ष ।

सद्गुरु राजेंद्रदादा (टीप) म्हणजे देवद आश्रमातील प.पू. गुरुदेव प्रत्यक्ष ।
प्रत्येकाच्या साधनेकडे असे त्यांचे बारकाईने लक्ष ।।

साधना असो वा असो वैयक्तिक समस्या ।
साधकांना नेहमीच आधार वाटतो सद्गुरु दादांचा ।। १ ।।

सद्गुरु दादा म्हणजे देवद आश्रमातील संत शिरोमणी असती ।
येथील चैतन्य टिकून रहाण्याचे ते प्रमुख माध्यम असती ।।

शब्द असती त्यांचे गुरुदेवांसारखे ।
त्यांना पहाताक्षणी दाटून येई मन कृतज्ञतेने ।। २ ।।

सद्गुरु दादा असती दैवी गुणांची खाण ।
परंतु आम्हा अज्ञानी जिवांची, नेहमीच अल्प पडे ही जाण ।।

त्यांचीच तळमळ दिसून येई, आमच्या आध्यात्मिक प्रगतीची ।
खरे सांगू, तेच करती प्रयत्नांची पराकाष्ठा, आम्हाला घडवण्यासाठी ।। ३ ।।

सद्गुरु दादांमध्ये असे सर्वांप्रती प्रीती ।
निरपेक्षतेची असती ते जणू सगुण मूर्ती ।।

सल्ला असे त्यांचा नेहमीच साधना वाढवण्याचा ।
नरजन्माचे सार्थक करूनी आनंदाप्रत जाण्याचा ।। ४ ।।

आहे वाढदिवस सद्गुरु दादांचा ।
चैतन्याचे होणारे प्रक्षेपण ग्रहण करण्याचा ।।

कोटीशः कृतज्ञता व्यक्त करूनी ।
निश्चय करूया साधना वाढवण्याचा ।। ५ ।।

टीप – सद्गुरु राजेंद्र शिंदे

– कु. लीना कुलकर्णी, सनातन आश्रम, देवद, पनवेल.