भाजपकडून निवडणुकीसाठी २२ उमेदवारांची घोषणा !

मुंबई – भाजपकडून विधानसभा निवडणुकीसाठी दुसर्‍या टप्प्यात २२ उमेदवारांची घोषणा केली आहे. यापूर्वी भाजपकडून ९९ उमेदवारांची नावे घोषित करण्यात आली आहेत. त्यामुळे भाजपच्या उमेदवारांची आतापर्यंतची संख्या १२१ इतकी झाली आहे. भाजपकडून आणखी ३ री सूची घोषित होण्याची शक्यता आहे.

दुसर्‍या टप्प्यातील २२ उमेदवारांमध्ये भाजपकडून पंढरपूर येथून पुन्हा समाधान आवताडे यांना उमेदवारी देण्यात आली आहे. यासह जतमध्ये गोपीचंद पडळकर, पुणे छावणी – सुनील कांबळे, नाशिक (मध्य) – सौ. देवयानी फरांदे आदींना पुन्हा उमेदवारी देण्यात आली आहे.