हिंदु जनजागृती समितीच्या वतीने भाग्यनगर (तेलंगाणा) येथे पार पडले ‘शौर्यजागृती शिबिर !
भाग्यनगर (तेलंगाणा) – हिंदु जनजागृती समितीच्या वतीने २० ऑक्टोबर या दिवशी येथील महाराष्ट्र मंडळाच्या सभागृहामध्ये ‘शौर्यजागृती शिबिरा’चे आयोजन करण्यात आले होते. भाग्यनगरमधील अनेक महिला-युवतींनी या शिबिरात उत्साहाने सहभाग घेतला. या शिबिराचा उद्देश आणि कार्यपरिचय समितीचे राज्य समन्वयक श्री. चेतन गाडी यांनी सांगितला. या वेळी सौ. विनुता शेट्टी यांनी ‘हिंदु धर्माचे महत्त्व आणि भारताचा गौरवशाली इतिहास’, यांविषयी, तर सौ. संध्या परमेश्वरन् यांनी ‘महिलांची सद्यःस्थिती अन् त्यांनी करावयाची पूर्वसिद्धता’, यांविषयी मार्गदर्शन केले. या वेळी महिलांना स्वसंरक्षणाच्या विविध पद्धती शिकवण्यात आल्या. ‘प्रत्येक आठवड्याला प्रशिक्षणवर्ग घ्या’, अशी मागणी अनेक युवतींनी या वेळी केली.