मुलीच्या लग्नाच्या वेळी साधिका आणि तिचे कुटुंबीय यांना आलेल्या अनुभूती !

१. ‘२.५.२०२४ या दिवशी माझी मुलगी चि.सौ.कां. सायली संजय जमदाडे हिचा शुभविवाह पुण्यातील त्रिमूर्ती सभागृहात झाला. त्या दिवशी अतिशय उष्मा असूनही सभागृहात थंडावा जाणवत होता.

२. सामान्यतः लग्नाच्या दिवशी सभागृहात पुष्कळ गडबडीचे वातावरण असते; पण त्या दिवशी तेथे पुष्कळ शांत वाटत होते.

३. जमलेल्या पाहुण्यांनाही ‘सभागृहातून बाहेर जाऊच नये’, असे वाटत होते.

४. ‘लग्नसोहळा प्रत्यक्ष स्वर्गातच होत आहे’, असे जाणवल्याचे काही पाहुण्यांनी सांगितले.

५. सभागृहाच्या बाहेर हिरवळीवर विवाह होत असतांना ‘चैतन्याचा स्रोत आकाशातून वधू-वरांच्या दिशेने येत आहे’, असे मला, तसेच माझे पती श्री. संजय जमदाडे आणि मुलगा अनिकेत यांना जाणवले.

६. ‘हा विवाह समारंभ उच्च लोकात चालू आहे’, असे सायलीला (माझ्या मुलीला) जाणवले.

७. आम्हाला विवाहस्थळी देवता आणि सच्चिदानंद परब्रह्म गुरुदेव यांचे अस्तित्व जाणवले. ‘या सभागृहात २० वर्षांपूर्वी सच्चिदानंद परब्रह्म गुरुदेवांचा सत्संग झाला होता’, असे आम्हाला नंतर समजले.

‘हे सर्व केवळ सच्चिदानंद परब्रह्म गुरुदेवांची कृपा आणि सर्व संतांचे आशीर्वाद यांमुळे अनुभवता आले’, याबद्दल मला त्यांच्याप्रती पुष्कळ कृतज्ञता वाटली.’

– सौ. अनिता संजय जमदाडे, डोंबिवली (पूर्व), जिल्हा ठाणे. (५.६.२०२४)

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक

Menu