Bopdev Ghat : बोपदेव घाटात बलात्कार करणार्‍यांना न्यायालयीन कोठडी
पुणे – येथील बोपदेव घाटात झालेल्या सामूहिक अत्याचार प्रकरणी पुणे पोलिसांनी एका आरोपीला २ दिवसांपूर्वी वारजेतून अटक केली होती, तर उरलेल्या २ आरोपींचे पोलिसांकडून कसून अन्वेषण केले जात आहे. त्यांना १५ ऑक्टोबरपर्यंत न्यायालयीन कोठडीत ठेवण्याचे आदेश दिले आहेत. या आरोपींची वैद्यकीय आणि डी.एन्.ए. चाचणी करण्यात येणार आहे.
हे तिन्ही आरोपी सराईत गुन्हेगार असून तिघांपैकी दोघांवर याआधीच कोंढवा पोलीस ठाण्यात पॉक्सोचा गुन्हा नोंद आहे. (सराईत गुन्हेगारांवर वेळच्या वेळी कठोर कारवाई झाली असती, तर ते पुढील गुन्हे करण्यास धजावले नसते. – संपादक) हे आरोपी गुन्हा करण्यापूर्वी एका मद्याच्या दुकानामध्ये मद्य घेण्यासाठी एकत्र आल्याचे एक ‘सीसीटीव्ही फुटेज’ पोलिसांच्या अन्वेषणात समोर आले होते. या ‘फुटेज’मध्ये पीडितेच्या मित्राने आरोपींना ओळखले आणि त्याआधारे ही कारवाई करण्यात आली आहे. अख्तर, सोम्या आणि चंद्रशेखर अशी आरोपींची नावे आहेत.