आदिमाया जगदंबा तू ।

आदिमाया जगदंबा तू ।
आदिमाया जगदंबा तू ।। धृ. ।।

विश्वजननी, विश्वमोहिनी ।
विश्वरक्षा विश्वसंहारिणी ।।

महिषासुरमर्दिनी, शुंभनिशुंभ हननी ।
भवसागरतारिणी यशदायिनी तू ।। १ ।।

उभी असशी सह्याद्री भुवनी ।
अचला तू नित्य समरांगणी ।।

दयानिधी तू शरणागतासी ।
खलप्रवृत्तीची संहारक तू ।। २ ।।

रूप तुझे ते नित्य स्मरो मी ।
चरण सदा शिरी धरो मी ।।

आस तव चरणांची मजला ।
ध्यास तव कृपेचा मजला ।। ३ ।।

देह अहंकार सोडण्या ।
अन् षड्रिपू निर्मूलना ।।

देऊनी आत्मबल मजला ।
करी धन्य या जीवना तू ।। ४ ।।

– श्री. धैवत विलास वाघमारे, सनातन आश्रम, रामनाथी, गोवा. (२६.७.२०२३)