Somnath demolition case : गीर सोमनाथ येथील मशिदी पाडण्‍याची प्रशासनाची कारवाई योग्‍य ! – गुजरात उच्‍च न्‍यायालय

कर्णावती (गुजरात) – राज्‍यातील गीर सोमनाथ येथे २८ सप्‍टेंबरला स्‍थानिक प्रशासनाने सरकारी भूमीवरील मशिदी, दर्गे, कबरी (मुसलमानांची थडगी) आदी अनेक अवैध बांधकामे पाडली होती. देशपातळीवर अवैध बांधकामांच्‍या विरोधातील ही सर्वांत मोठी कारवाई असल्‍याचे बोलले जात आहे. या कारवाईच्‍या विरुद्ध गुजरात उच्‍च न्‍यायालयात याचिका (दाखल) प्रविष्‍ट करून बांधकामे पाडण्‍याआधीची स्‍थिती पूर्ववत् करण्‍याची मागणी करण्‍यात आली होती. त्‍यावर ३ ऑक्‍टोबरला उच्‍च न्‍यायालयाने याचिका फेटाळून लावत यथास्‍थिती ठेवण्‍यास नकार दिला.

The administration’s decision to demolish the mo$que at Gir Somnath is correct ! – Gujarat High Court

A Case of demolition of illega mo$ques, tombs and houses of Mu$l!ms.

The Waqf board had filed a petition to restore the structures as they were before the demolition !

As the… pic.twitter.com/yctdC0EM0q

— Sanatan Prabhat (@SanatanPrabhat) October 4, 2024

१. ‘औलिया-ए-दीन कमिटी’ या वक्‍फ संघटनेने ही याचिका प्रविष्‍ट केली होती.

२. न्‍यायालयाने राज्‍यशासनाने केलेली कारवाई योग्‍य ठरवत त्‍याला नोटीस जारी करत म्‍हटले की, कारवाईसंदर्भात माहिती पुरवा. तसेच याचिकाकर्त्‍या संघटनेलाही माहिती देण्‍याचा आदेश न्‍यायालयाने दिला.

३. न्‍यायमूर्ती संगीता के. विशेन यांच्‍या एकल खंडपिठाने पुढे हेही स्‍पष्‍ट केले की, कायदेशीरदृष्‍ट्या अशी कारवाई करण्‍यात येऊ नये, अशा प्रकारची कोणतीच स्‍थगिती कोणत्‍याच न्‍यायालयाने अथवा प्रशासकीय अधिकार्‍याने दिलेली नव्‍हती. त्‍यामुळे सरकारने केलेली कारवाई कायदाबाह्य नाही !