रामनाथी आश्रमात झालेल्या धन्वन्तरि यागाच्या वेळी सौ. अंजना निवृत्ती चव्हाण यांना आलेल्या अनुभूती !

१. ‘२१.१.२०२२ या दिवशी धन्वन्तरि यागाच्या वेळी मला श्रीसत्‌शक्ति (सौ.) बिंदा नीलेश सिंगबाळ आणि श्रीचित्‌शक्ति (सौ.) अंजली मुकुल गाडगीळ यांचे दर्शन झाले. त्यांनी परिधान केलेल्या रंगीत साड्यांमुळे माझे मन प्रफुल्लित झाले.

२. ‘श्रीसत्शक्ति (सौ.) सिंगबाळ आणि श्रीचित्‌शक्ति (सौ.) गाडगीळ यांच्याकडून माझ्याकडे चैतन्याचा स्रोत येत आहे’, असे मला जाणवले.

३. यज्ञाचा संकल्प केला गेला, तेव्हा मला परात्पर गुरु डॉ. आठवले यांचे धन्वन्तरि देवतेच्या रूपामध्ये दर्शन झाले.

४. परात्पर गुरु डॉ. आठवले ‘माझ्यासाठी नामजपादी उपाय करत आहेत’, असे मला जाणवले. त्यामुळे मला आलेला जडपणा जाऊन हलके वाटायला लागले. माझा कृतज्ञताभाव दाटून आला आणि माझी भावजागृती झाली.

५. यज्ञाच्या दुसर्‍या सत्रात मला चंदनाचा सुगंध आला आणि तोंडामध्ये गोड चव आली.

६. यज्ञाच्या तिसर्‍या सत्रात मला यज्ञातील लाल ज्वाळा दिसत होत्या. नंतर मला त्यांचा रंग पिवळसर दिसू लागला. त्या वेळी मला पुष्कळ चैतन्य जाणवत होते. शेवटच्या १०८ समिधांची आहुती दिल्यावर मला पांढर्‍या रंगाच्या ज्वाळा दिसू लागल्या. त्यामुळे माझे मन शांत झाले.

प.पू. गुरुदेवांच्या चरणी कोटीशः कृतज्ञता !’

– सौ. अंजना निवृत्ती चव्हाण (वर्ष २०२४ मधील आध्यात्मिक पातळी ६६ टक्के), सनातन आश्रम, रामनाथी, गोवा. (२१.१.२०२२)

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक

Menu