Gali Anjaneya Temple Theft : बेंगळुरू येथील प्रसिद्ध गाळी आंजनेय मंदिरात कर्मचारी आणि पुजारी यांच्याकडूनच पैशांची चोरी

बेंगळुरू (कर्नाटक) : शहरातील प्रसिद्ध गाळी आंजनेय मंदिरात मंदिरातील कर्मचार्‍यांनीच दानपेटीतील पैसे चोरल्याची घटना घडली. दानपेटीतील पैसे मोजतांना ही घटना घडली.

सीसीटीव्ही कॅमेरे असतांनाही त्यांनी पैसे चोरून खिशात टाकले. ५०० रुपयांच्या नोटांचा गठ्ठा (बंडल) चोरण्यात आला आहे. चोरीचे सीसीटीव्ही चित्रण उपलब्ध झाले आहे. या प्रकरणी सध्या तरी कोणतीही तक्रार किंवा गुन्हा नोंदवण्यात आलेला नाही.