म्हाळुंगे (पुणे) येथे ८५ वर्षीय वृद्ध महिलेवर बलात्कार करणार्‍याला अटक

पुणे – हिंजवडी परिसरातील म्हाळुंगेतील एका उच्चभ्रू सोसायटीमध्ये  ८५ वर्षीय वृद्ध महिलेवर २३ वर्षीय ओम पुरी या नराधमाने बलात्कार केला. या प्रकरणी वृद्ध महिलेच्या ५७ वर्षीय मुलीने हिंजवडी पोलीस ठाण्यात तक्रार प्रविष्ट केली आहे. पोलिसांनी घटनेचे गांभीर्य लक्षात घेऊन ओम पुरी याला एका घंट्यात अटक केली. २३ सप्टेंबर या दिवशी सायंकाळी ६ वाजता पीडित वृद्ध महिला स्वत:च्या सदनिकेसमोर चालत होती. आरोपी हा इमारतीमध्ये इलेक्ट्रिशिअनचे काम करण्यासाठी आला होता. मजल्यावर वृद्ध महिला एकटी असल्याने त्याने तिला ७ मजल्यावर जिन्यावरून ओढत घेऊन गेला. तेथे मोकळ्या जागेत नेऊन बलात्कार केला. घरी आल्यानंतर पीडितेने घडलेला प्रकार सांगितला.