हिंदूंच्या अंगावर आलात, तर तुम्हाला शिंगावर घेऊ ! – आमदार नितेश राणे
भाजपचे आमदार नितेश राणे यांची मुसलमानांना चेतावणी
मुंबई – तुम्ही जर हिंदूंच्या अंगावर येत असाल, तर आम्ही तुम्हाला शिंगावर घेऊ, अशी चेतावणी भाजपचे आमदार नितेश राणे यांनी दिली आहे. ‘नितेश राणे यांना अटक करा’, या मागणीसाठी ‘एम्.आय.एम्.’चे नेते इम्तियाज जलील यांनी २३ सप्टेंबर या दिवशी छत्रपती संभाजीनगर ते मुंबईपर्यंत ‘तिरंगा संविधान फेरी’ काढली होती. यावर राणे यांनी वरील प्रतिक्रिया व्यक्त केली.
ते म्हणाले …
१. या फेरीद्वारे मुंबईमध्ये जे जिहादी जमणार आहेत, त्यांचा आणि तिरंग्याचा काय संबंध आहे, हे त्यांनी आधी स्पष्ट करावे.
२. गणेशचतुर्थीनंतर झालेल्या ईदच्या फेरीत पॅलेस्टाईनचे झेंडे का फडकावण्यात आले ? ज्या वेळी गणेशचतुर्थीच्या मिरवणुकींवर मशिदींतून दगडफेक करण्यात आली, त्यावेळी या लोकांनी निषेध का केला नाही ? हिंदूंच्या विरोधात घोषणा देत मंदिरांबाहेर डीजे (मोठी ध्वनीक्षेपक यंत्रणा) वाजवणे हे प्रकार कसे झाले ? तुम्ही जर राज्यघटना मानत असाल, तर भारतात हिंदूंची लोकसंख्या अधिख असतांना इथे ‘सर तन से जुदा’ (शिर धडावेगळे करणे) या घोषणा कशा दिल्या जातात ? या प्रश्नांची उत्तरे जिहाद्यांनी द्यावीत.
३. त्यांच्या (मुसलमानांच्या) हातात राज्यघटना चांगली दिसत नाही. त्यांनी जर भगवद़्गीतेची १० पाने वाचली असती, तर आज ही फेरी काढण्याची वेळ आली नसती.
४. महंत रामगिरी महाराज किंवा आमच्यासारखे हिंदुत्वनिष्ठ कार्यकर्ते हिंदूंची बाजू लावून धरत आहेत. आम्ही अन्य कुठल्याही धर्माला काहीही बोलत नाही.
संपादकीय भूमिकाहिंदूंच्या रक्षणासाठी अशी आक्रमक भूमिका घेणारे आमदार नितेश राणे यांचे अभिनंदन ! असे नेते सर्वत्र हवेत ! |