चला रामनाथीला जाऊ !

चला रामनाथीला जाऊ ।
गुरुचरणी माथा ठेवू ।। धृ. ।।

सर्व साधक झाले गोळा ।
संगती संतांचा मेळा ।।
भाव असे आमुचा भोळा ।
गुरुचरणी ठेवू डोळा ।। १ ।।

गुरुभक्तीची वारी ।
निघाली आपुल्या पंढरपुरी ।।
ही वारी कल्याणकारी ।
जीवनातील दुःखे हारी ।। २ ।।

आम्हावरी गुरूंची छाया ।
घडविला साधना पाया ।।
सोडविली आमुची माया ।
पावन केली आमुची काया ।। ३ ।।

भेटी लागी जिवा ।
लागलीसे आस ।।
गुरुचरण दर्शनाची ।
वाट बघती दास ।। ४ ।।

दाविला मार्ग मुक्तीचा ।
लाविला ध्यास भक्तीचा ।।
भाव असो तव चरणा ठायी ।
तुम्हाविना आम्हा थारा नाही ।। ५ ।।

।। श्री गुरुदेव । श्री गुरुदेव ।।
।। जय गुरुदेव । जय गुरुदेव ।।
।। जय जय जयंत । जय जय जयंत ।।

टीप : जयंत : परात्पर गुरु डॉ. जयंत बाळजी आठवले

– श्री. रमाकांत दाभाडकर (वय ८२ वर्षे, आध्यात्मिक पातळी ६४ टक्के), यवतमाळ