विरार येथे अल्पवयीन मुलीचा लैंगिक छळ करणार्‍या शिक्षकाला नागरिकांकडून चोप !

रस्त्यावरून धिंड काढत दिले पोलिसांच्या कह्यात

ठाणे, २९ ऑगस्ट (वार्ता.) – खासगी शिकवणीमध्ये शिकणार्‍या अल्पवयीन मुलीचा लैंगिक छळ करणार्‍या शिक्षकाला चोप देऊन नागरिकांनी त्यांची धिंड काढली. विरार पोलिसांनी आरोपी शिक्षकाला कह्यात घेऊन त्याच्यावर गुन्हा नोंद केला आहे. शिक्षकाने ७ वीत शिकणार्‍या अल्पवयीन मुलीचा लैंगिक छळ केल्याने ती घाबरून २ दिवस शिकवणीला गेली नाही. घरच्यांनी कारण विचारल्यावर तिने हा प्रकार सांगितला. यानंतर मुलीचे पालक आणि संतप्त नागरिक शिकवणीवर्गात गेले. त्यानंतर वरील प्रकार झाला. या मारहाणीत आरोपी शिक्षक रक्तबंबाळ झाला होता.