Muhammad Yunus : (म्हणे) ‘आमचे सरकार धर्म आणि राजकीय मत यांच्या आधारे भेदभाव करणार नाही !’ – बांगलादेशातील अंतरिम सरकारचे प्रमुख प्रा. महंमद युनूस

बांगलादेशातील अंतरिम सरकारचे प्रमुख प्रा. महंमद युनूस यांचे आश्‍वासन !

ढाका (बांगलादेश) – आमचे सरकार भिन्न धर्मांचे पालन करणारे किंवा भिन्न राजकीय मत असणारे, अशा कुणाशीही भेदभाव करणार नाही. आम्हाला देशातील सर्व सदस्यांना एका कुटुंबात समाविष्ट करायचे आहे. नवीन बांगलादेशामध्ये धार्मिक अल्पसंख्यांक, जमाती आणि उपेक्षित समुदाय समान नागरिक असून त्यांना समान अधिकार असतील, असे आश्‍वासन बांगलादेशाच्या अंतरिम सरकारचे प्रमुख प्रा. महंमद युनूस यांनी २५ ऑगस्ट या दिवशी देशाला दूरचित्रवाहिनीवरून संबोधित करतांना दिले.

"Our Government will not discriminate based on religion or political beliefs!" – Assurance by Professor Muhammad Yunus, Head Bangladesh's interim Government

Who will believe this? Professor Yunus should first provide compensation to the affected Hindus and take action against… pic.twitter.com/mAb4D4ymuh

— Sanatan Prabhat (@SanatanPrabhat) August 26, 2024

ढाका येथे श्रीकृष्ण जन्माष्टमी साजरी

बांगलादेशाची राजधानी ढाका आणि इतर शहरांमध्ये हिंदूंच्या मंदिरांमध्ये श्रीकृष्ण जन्माष्टमी साजरी करण्यात आली. ढाका येथे जन्माष्टमीनिमित्त मोठी मिरवणूक काढण्यात आली आहे. बांगलादेशात ५ ऑगस्टला शेख हसीना सरकार पडल्यानंतर जातीय सलोखा बिघडल्यामुळे यंदाच्या जन्माष्टमीच्या कार्यक्रमांविषयी अनेक प्रश्‍नचिन्ह उपस्थित झाले होते. अशा परिस्थितीत महंमद युनूस यांच्या भाषणानंतर प्रतिवर्षीप्रमाणे ढाका येथे जन्माष्टमी साजरी झाली.