भारताचार्य पू. प्रा. सु.ग. शेवडेगुरुजी यांच्या संत सन्मान सोहळ्याच्या वेळी साधकाला जाणवलेली सूत्रे !

‘११.०६.२०२४ या दिवशी भारताचार्य पू. प्रा. सु.ग. शेवडेगुरुजी (वय ८९ वर्षे) यांचा संत सन्मान सोहळा झाला. तो भावसोहळा पहातांना मला जाणवलेली सूत्रे येथे दिली आहेत.

१. पू. शेवडेगुरुजी बोलत असतांना त्यांच्यात क्षात्रतेज आणि ब्राह्मतेज यांचा अपूर्व संगम मला अनुभवता आला.

२. प.पू. गुरुदेवांप्रती (सच्चिदानंद परब्रह्म डॉ. आठवले) पू. शेवडेगुरुजी यांचा उत्कट भाव पाहून माझी भावजागृती झाली.

३. प.पू. गुरुदेव आणि पू. गुरुजी यांचा परस्पर स्नेहभाव पाहून पू. शेवडेगुरुजी यांची जणू श्रीरामाप्रति हनुमंताची दास्यभक्तीच दिसून येते.

४. ‘त्या सोहळ्यात प्रभु श्रीराम, भगवान परशुराम आणि हनुमंत हे प.पू. गुरुदेव अन् पू. गुरुजी यांच्या रूपात उपस्थित आहेत’, असे मला जा‌‌णवले.

प.पू. गुरुमाऊली आणि पू. गुरुजी यांच्या चरणांशी अनंत कोटी कृतज्ञ आहे.’

– श्री. सुरेश श्रीनिवास नाईक (वय ६६ वर्षे), ढवळी, फोंडा, गोवा.

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक

Menu