वणी येथे बंद आणि निषेध मोर्चा !

बांगलादेशातील हिंदूंवरील अत्याचाराचे प्रकरण

वणी (यवतमाळ), १८ ऑगस्ट (वार्ता.) – बांगलादेशातील हिंदूंच्या हत्या आणि त्यांच्यावरील अत्याचाराच्या विरोधात सकल हिंदु समाजाकडून वणी बंद आंदोलन करून निषेध मोर्चा काढण्यात आला. २ सहस्र ५०० हिंदू मोर्चात सहभागी झाले होते. उपविभागीय अधिकारी कार्यालयामार्फत राष्ट्रपतींना निवेदन देऊन निषेध मोर्चाची सांगता करण्यात आली.