शिकण्याची वृत्ती आणि सेवेची तळमळ असलेल्या फोंडा, गोवा येथील कु. मयुरी डगवार !
१. सौ. तन्वी सीमित सरमळकर, फोंडा, गोवा.
१ अ. प्रेमभाव : ‘एकदा मी रुग्णाईत होते. तेव्हा कु. मयुरीने माझी विचारपूस करून मला चिकित्सालयात जाण्यासाठी साहाय्य केले.
१ आ. सेवेची तळमळ : ताई आश्रमात आलेल्या पाहुण्यांच्या संदर्भातील सेवा करते. ‘पाहुण्यांच्या सेवेत कुठलीही उणीव राहू नये’, यासाठी तिची धडपड असते. तिची धावपळ होत असली किंवा तिला त्रास होत असला, तरीही ती सेवा करते. एकदा तिचा दुचाकीवरून जात असतांना अपघात झाला. तेव्हा तिने सहसाधिकेला कळवून सेवेचे नियोजन केले. त्या वेळी तिला तोंडाला लागल्यामुळे नीट बोलता येत नव्हते. तेव्हा तिने त्या कालावधीत अन्य सेवा केल्या.’
२. सौ. कीर्ती प्रतीक जाधव, पाटणतळी, फोंडा, गोवा.
२ अ. शिकण्याची वृत्ती : ‘ताई प्रत्येक सेवा मनापासून शिकते. आम्हाला एखाद्या सेवेच्या संदर्भात मत हवे असल्यास आमच्या डोळ्यांसमोर मयुरीचे नाव येते. तिला सेवेतील सर्व बारकावे ठाऊक असल्याने साधक तिला सेवेतील अडचणी विचारतात.
२ आ. सकारात्मक : ताईला शारीरिक आणि आध्यात्मिक त्रास होत असतांना ‘ती निराश किंवा हताश झाली आहे’, असे कधीच जाणवत नाही.
२ इ. : ताईला तीव्र आध्यात्मिक त्रास आहे, तरीही तिने एखादी सेवा केली नाही, असे कधीच झाले नाही. सेवा करतांना तिला आध्यात्मिक त्रास होत असल्यास ती सेवा पूर्ण करून किंवा अन्य साधकाला सेवेविषयी सांगून नामजपादी उपाय करते.
२ ई. ताईला अनेक सेवांचा अनुभव आहे; मात्र त्याविषयी तिच्यामध्ये अहं जाणवत नाही.
२ उ. गुरूंप्रती भाव असणे : ताईमध्ये सच्चिदानंद परब्रह्म डॉ. आठवले आणि श्रीसत्शक्ति (सौ.) बिंदा नीलेश सिंगबाळ यांच्या प्रती पुष्कळ भाव आहे. ताई परिस्थितीवर मात करता येण्यासाठी प.पू. डॉ. आठवले यांचा धावा आणि त्यांना प्रार्थना करते.’
(लेखातील सर्व सूत्रांचा दिनांक : १६.४.२०२४)
|