शीव रुग्णालयात घायाळ मद्यपी रुग्णाची महिला आधुनिक वैद्याला मारहाण

मुंबई – येथील एका महिला आधुनिक वैद्याला शीव रुग्णालयात मारहाण करण्यात आली. मद्यधुंद अवस्थेतील रुग्णाने ही मारहाण केली. त्याला गंभीर इजा झाल्याने तो रुग्णालयात आला होता. त्याला अन्य आधुनिक वैद्यांनी टाके घातले होते; पण त्या जखमेत कापूस अडकल्याने महिला आधुनिक वैद्य तो काढत होत्या. त्याला वेदना होऊ लागल्याने त्याने महिला आधुनिक वैद्याला ढकलले. त्याने आणि त्याच्या सहकार्‍यांनी महिला आधुनिक वैद्याच्या दिशेने रक्ताने माखलेले कापसाचे बोळे फेकले. तिला नखांनी ओरबाडले आणि मारहाण केली. पोलिसांनी गुन्हा नोंदवला आहे.