ISLAMIC BANGLASTHAN : ‘जमात-ए-इस्लामी’चा ‘इस्लामिक बांगलास्तान’ बनवण्याचे षड्यंत्र !

भारतातील संपूर्ण बंगाल, तसेच झारखंड आणि बिहार या राज्यांच्याा, तर नेपाळ अन् म्यानमार या देशांच्या काही भागांचा समावेश !

ढाका (बांगलादेश) – बांगलादेशात हिंसाचार करणारी जमात-ए-इस्लामी ही जिहादी संघटना ‘इस्लामिक बांगलास्तान’, म्हणजे अखंड बांगलादेश बनवण्याचा कट रचत असल्याचे समोर आले आहे. बांगलादेशातील ‘बर्तमान’ या दैनिकाने या संदर्भातील एक वृत्त प्रसारित केले आहे. यात याविषयीची माहिती दिली आहे. या ‘इस्लामिक बांगलास्तान’मध्ये बांगलादेश, भारतातील संपूर्ण बंगाल राज्य, तसेच बिहार आणि झारखंड या राज्यांचा काही भाग, तर नेपाळ अन् म्यानमार या देशांचा काही भाग सामाविष्ट करण्यात येणार असल्याचे म्हटले आहे. ‘जमात-ए-इस्लामी’ला ‘गझवा-ए-हिंद’चा (भारताचे इस्लामीकरण करण्याचा) उद्देश पूर्ण करायचा आहे. त्यासाठी या संघटनेचे लक्ष बांगलादेशाच्या सीमेवर असलेल्या भारताच्या राज्यांवर आहे. सामाजिक माध्यमांत ‘ग्रेट बांगलादेश’च्या नावाखाली काही नकाशे प्रसारित होत आहेत. यात बांगलादेशासमवेत बंगालसह भारताची काही राज्य आहेत.

The conspiracy of ‘Jamaat-e-Islami’ to create an ‘I$l@mic Banglastan’ – #GreaterBangladesh !

Including the entire Bengal in India, as well as parts of Jharkhand, Bihar and some areas of Nepal and Myanmar!

Before India becomes an I$l@mic state, Hindus should commit themselves to… pic.twitter.com/ldZVetjMG4

— Sanatan Prabhat (@SanatanPrabhat) August 17, 2024

भाजपचे नेते बाबूलाल मरांडी यांनी या वर्तमानपत्राचे वृत्त सामाजिक माध्यमांत प्रसारित करतांना ‘बांगलादेशातील परिस्थिती आणि धर्मांधांचा उद्देश झारखंडसह संपूर्ण देशासाठी अत्यंत संवेदनशील आहे. झारखंडमध्ये ज्या पद्धतीने अचानक बांगलादेशी मुसलमानांची संख्या वाढू लागली आहे, त्यावरून असे वाटते की, काँग्रेस आणि झारखंड मुक्ती मोर्चा हे पक्षसुद्धा कट्टरतावाद्यांना त्यांचा उद्देश पूर्ण करण्यासाठी साथ देत आहे’, असे म्हटले आहे.

खुफिया एजेंसियों के मुताबिक, झारखंड के बड़े हिस्से(संथाल बहुल इलाके), बिहार का किशनगंज जिला, पश्चिम बंगाल, अधिकांश उत्तर पूर्वी राज्य, नेपाल और म्यांमार के कुछ हिस्से को मिलाकर ‘बांग्लास्तान’ नामक देश बनाने की साजिश चल रही है।

5 अगस्त को शेख हसीना सरकार की तख्तापलट के बाद… pic.twitter.com/4jTUK4kGPu

— Babulal Marandi (@yourBabulal) August 14, 2024

‘जमात-ए-इस्लामी’चा इतिहास !

वर्ष १९४१ मध्ये मौलाना अबुल अला मौदूदी यांनी या संघटनेची स्थापना केली. भारताच्या फाळणीनंतर जमात-ए-इस्लामीची वेगवेगळ्या गटांत विभागणी झाली. जमात-ए-इस्लामी बांगलादेश, तसेच जमात-ए-इस्लामी पाकिस्तान यांसारख्या वेगवेगळ्या संघटना बनल्या. वर्ष १९७१ मध्ये झालेल्या बांगलादेशाच्या निर्मितीला जमात-ए-इस्लामीने विरोध केला होता. ही संघटना आजही पाकिस्तानची समर्थक म्हणून ओळखली जाते. या संघटनेला पाकची गुप्तचर संस्था आय.एस्.आय.ची हस्तक म्हटले जाते.