आगाशिवनगर (कराड) येथे धर्मांधांकडून हिंदु महिलेवर आक्रमण

कराड, १५ ऑगस्ट (वार्ता.) – आगाशिवनगर येथे १२ ऑगस्ट या दिवशी काही व्यावसायिक मुसलमान युवकांनी हिंदु महिलेवर आक्रमण केले. याचे पडसाद शहरामध्ये उमटून आगाशिवनगर येथे काही काळ तणावाचे वातावरण निर्माण झाले होते.

व्यावसायिक कारणावरून मुसलमान समाजातील काही युवकांनी आगाशिवनगर येथे रहाणार्‍या पवार कुटुंबियांवर आक्रमण करून एका महिलेला मारहाण केली. यानंतर १३ ऑगस्टला दुपारी पोलिसांनी काही जणांवर गुन्हे नोंद करून त्यांना कह्यात घेतले. या प्रकरणी भाजपचे आमदार नितेश राणे यांनी मारहाण झालेल्या पवार कुटुंबियांची भेट घेऊन त्यांना धीर दिला. पवार कुटुंबियांना पोलिसांकडून चुकीची वागणूक दिल्याचे समजताच नितेश राणे यांनी पोलिसांना कठोर शब्दांत समज दिली. या प्रकरणी ‘सकल हिंदु समाजा’च्या वतीने ‘कराड बंद’ची हाक देण्यात आली होती; मात्र हा बंद मागे घेत प्रशासनाला निवेदन सादर करण्यात येणार असल्याचे सकल हिंदु समाजाच्या वतीने घोषित करण्यात आले.