Patanjali Case Supreme Court : अ‍ॅलोपॅथीची अपकीर्ती केल्‍याच्‍या प्रकरणाचा खटला बंद
सर्वोच्‍च न्‍यायालयाने योगऋषी रामदेवबाबा यांची क्षमायाचना स्‍वीकारली
नवी देहली – सर्वोच्‍च न्‍यायालयाने योगऋषी रामदेवबाबा, आचार्य बाळकृष्‍ण आणि पतंजलि आयुर्वेद यांच्‍या विरोधातील अवमानाचा खटला बंद केला आहे. त्‍यांनी या संदर्भात केलेली क्षमायाचना न्‍यायालयाने मान्‍य करत खटला बंद केला. त्‍याच वेळी न्‍यायालयाने ताकीद देतांना सांगितले की, न्‍यायालयाच्‍या आदेशाचे उल्लंघन करून काही केले, तर न्‍यायालय कठोर शिक्षा देईल.
‘इंडियन मेडिकल असोसिएशन’ने योगऋषी रामदेवबाबा, आचार्य बाळकृष्‍ण आणि पतंजलि आयुर्वेद यांच्‍या विरोधात कोविड प्रतिबंधक लसीकरण आणि अ‍ॅलोपॅथी यांची अपकीर्ती केल्‍यावरून खटला प्रविष्‍ट (दाखल) केला होता.