नागपूर येथे ५१ लाख मृत्तिका शिवलिंगांचा संकल्प !

नागपूर – ‘लोटस कल्चरल अँड स्पोर्टिंग असोसिएशन’द्वारे ५१ लाख मृत्तिका शिवलिगांचा संकल्प करण्यात आला असून शुभारंभाच्या दिवशी १ लाख १७ सहस्र ७१३ शिवलिंग करण्यात आली आहेत, अशी माहिती क्लबचे प्रमुख आणि माजी महापौर दयाशंकर तिवारी यांनी दिली.

मानकापूर येथील प्राचीन शिवमंदिरात आयोजित उपक्रमासाठी खास उत्तरप्रदेशातील मिर्झापूरमधून १२ टन माती आणण्यात आली. ही माती कुंभार विकत घेणार आहेत. अंगठ्याएवढे १ ते २ इंचाचे शिवलिंग सिद्ध केले जाते. येत्या ३ सप्टेंबरपर्यंत साधारणत: अडीच सहस्र महिला प्रतिदिन सकाळी ९ ते सायंकाळी ६ वाजेपर्यंत शिवलिंग सिद्ध करणार आहेत. त्यानंतर आरती, अभिषेक अन् पूजनानंतर कृत्रिम टाक्यांत शिवलिंग विसर्जन केले जाईल.