पुणे येथे २ सख्या बहिणींवर लैगिंक अत्याचार करणार्‍यास २५ वर्षे सक्तमजुरीची शिक्षा !
पुणे – मामाच्या घरी आलेल्या २ अल्पवयीन मुलींना लग्न लावून देण्याच्या आमीषाने पळवून नेले. त्यांच्यावर लैंगिक अत्याचार केले. या प्रकरणी न्यायालयाने एका आरोपीस २५ वर्षे सक्तमजुरी आणि ७ सहस्र ५०० रुपये दंड केला आहे. धनंजय राजीवडे असे शिक्षा सुनावण्यात आलेल्याचे नाव आहे. अतिरिक्त सत्र न्यायाधीश एस्. आर्. साळुंके यांच्या न्यायालयाने हा निकाल दिला आहे. ही घटना ४ आणि ५ एप्रिल २०१५ मध्ये वारजे येथे घडली होती. या गुन्ह्यामध्ये २ अल्पवयीन आरोपींचाही सहभाग होता.