Taliban Rejected POK : तालिबानने पाकव्याप्त काश्मीरला पाकचा भाग मानले नाही !

काबूल (अफगाणिस्तान) – सत्ताधारी तालिबानने पाकव्याप्त काश्मीरवर पाकिस्तानचा दावा मान्य करण्यास नकार दिला आहे. तालिबानने ३ दशकांत प्रथमच अफगाणिस्तानच्या सीमांचे मूल्यांकन केले आहे. तालिबानच्या ‘सीमा आणि आदिवासी व्यवहार मंत्रालया’ने सांगितले की, त्यांनी पाकिस्तान, ताजिकिस्तान, जम्मू-काश्मीर आणि चीन यांना लागून असलेल्या अधिकृत सीमांचे मूल्यांकन केले आहे.

Taliban rejects Pakistan’s claim on Pakistan Occupied Kashmir.

👉 #Taliban responds appropriately, it should now also assist India, in pressuring #Pakistan to return the occupied #Kashmir to India.#Afghanistan pic.twitter.com/iMG57XYVBY

— Sanatan Prabhat (@SanatanPrabhat) July 22, 2024

विशेष म्हणजे तालिबान मंत्रालयाने या निवेदनात जम्मू-काश्मीरसाठी ‘पाकव्याप्त काश्मीर’ असा उल्लेख केलेला नाही. याचा अर्थ तालिबान मंत्रालय पाकव्याप्त काश्मीरवरील पाकिस्तानचा दावा मान्य करत नाही.

तालिबानच्या या निर्णयामुळे अफगाणिस्तानची सीमा थेट भारताच्या जम्मू- काश्मीर क्षेत्राला जोडली जाईल. यामुळे दोन्ही देशांचे थेट शेजारी संबंध प्रस्थापित होतील. भारताचीही याविषयी तीच अधिकृत भूमिका आहे. भारत काश्मीरद्वारे अफगाणिस्तानला शेजारी मानतो.