गर्भवतीवर रुग्णवाहिकेतच प्रसूतीची वेळ !

शहादा (जिल्हा नंदुरबार) – येथील गर्भवती महिलेला अचानक पोटात कळा येऊ लागल्याने गावातील प्राथमिक आरोग्य केंद्रात नेण्यात आले. तेथील आधुनिक वैद्यांनी तिची पडताळणी केल्यानंतर तिला नंदुरबार येथील जिल्हा रुग्णालयात नेण्यास सांगितले; मात्र प्राथमिक आरोग्य केंद्रातील रुग्णवाहिका १५ दिवसांपासून नादुरुस्त असल्याने दुसर्‍या प्राथमिक आरोग्य केंद्रातून रुग्णवाहिका मागवावी लागली. ती येण्यास दीड घंटा लागला. त्यामुळे रुग्णवाहिकेतून घेऊन जात असतांना महिलेची रुग्णवाहिकेतच प्रसूती झाली.