सनातनचे दुसरे बालसंत पू. वामन अनिरुद्ध राजंदेकर (वय ५ वर्षे) यांना ‘वैश्विक हिंदु राष्ट्र महोत्सवा’च्या संदर्भात सूक्ष्मातून जाणवलेली सूत्रे

पू. वामन राजंदेकर यांच्या वरील बोलण्याच्या संदर्भात सूक्ष्म ज्ञानप्राप्तकर्ता श्री. निषाद देशमुख (आध्यात्मिक पातळी ६३ टक्के) यांनी सांगितलेली सूत्रे

‘पू. वामन राजंदेकर यांनी ‘वैश्विक हिंदु राष्ट्र महोत्सवा’च्या प्रत्येक दिवशी त्यांना दिसलेले जे रंग सांगितले आहेत, ते सर्व अगदी योग्य आहेत. हे सर्व रंग प्रत्येक दिवसाची महोत्सवस्थळाची स्थिती दाखवत आहेत.

१. पहिल्या दिवशी आनंद आणि भाव होता. त्यामुळे त्यांना आकाशी निळा रंग दिसत होता.

२. दुसर्‍या आणि तिसर्‍या दिवशी सूक्ष्म युद्ध चालू होते. त्यामुळे त्यांना सूर्याचे तेज असलेला पिवळा आणि लाल हे रंग दिसत होते.

३. चौथ्या दिवशी संतांच्या मार्गदर्शनामुळे धर्मतेज आणि निर्गुण तत्त्व होते. त्यामुळे त्यांना पांढरा आणि केशरी हे रंग दिसत होते.’ (‘या दिवशी भारताचार्य पू. प्रा. सु.ग. शेवडे आणि पू. डॉ. शिवनारायण सेन (उपसचिव, शास्त्र धर्म प्रचार सभा, बंगाल) या संतांचे मार्गदर्शन होते.’ – संकलक)

– श्री. निषाद देशमुख, सनातन आश्रम, रामनाथी, गोवा. (२७.६.२०२४)

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.