Pakistan Support : सामाजिक माध्‍यमांवर लाहोरचे छायाचित्र पोस्ट करून ‘पाकिस्‍तान खूप सुंदर आहे’ असे सांगणार्‍या शाहरुखच्‍या विरोधात तक्रार
बरेली (उत्तरप्रदेश) – येथे शाहरुख अहमद या तरुणाने त्‍याच्‍या सामाजिक माध्‍यमावरील खात्‍याच्‍या प्रोफाईलवर (स्‍वतःचा परिचय सांगणे) पाकिस्‍तानातील लाहोर शहराचे एक छायाचित्र पोस्ट करत पाकचा झेंडाही दाखवला. या छायाचित्राच्‍या खाली ‘पाकिस्‍तान पुष्‍कळ सुंदर आहे’, असे लिहिले होते. हे प्रोफाईल पाहिल्‍यानंतर विश्‍व हिंदु परिषदेचे कार्यकर्ते हिमांशू पटेल यांनी ‘एक्‍स’वर याची माहिती प्रसारित केली. यानंतर शाहरुख याने त्‍याचे प्रोफाईल खासगी केले आहे. त्‍यामुळे आता ही माहिती कुणी पाहू शकणार नाही. पटेल यांनी म्‍हटले की, जर पोलिसांनी याची नोंद घेऊन कारवाई केली नाही, तर रितसर तक्रार केली जाईल. शाहरुख बरेलीच्‍या जाफरपूरचा रहाणारा आहे.
प्रभारी निरीक्षक शीशगढ़, बरेली को आवश्यक विधिक कार्यवाही करने हेतु निर्देशित किया गया है।
— Bareilly Police (@bareillypolice) July 7, 2024
बरेली पोलिसांनी त्‍यांच्‍या अधिकृत एक्‍स खात्‍यावरून माहिती दिली की, स्‍थानिक पोलीस ठाण्‍याच्‍या प्रमुखांना या संदर्भात आवश्यक कायदेशीर कारवाई करण्‍याच्‍या सूचना देण्‍यात आल्‍या आहेत.
संपादकीय भूमिका
|