क्रिकेटपटूंना पहाण्यासाठी लाखो मुंबईकर रस्त्यावर !

मुंबई – भारत ‘टी-२० विश्वचषक’ जिंकल्यावर विजेता संघ ४ जुलैला भारतात परतला. सायंकाळी मुंबईत विजेत्यांचा ओपन डेक (छप्पर नसलेल्या) बसमधून ‘रोड शो’ होणार होता. नंतर मुंबईतील प्रसिद्ध वानखेडे स्टेडियमवर संघ विजयाचा जल्लोष करणार होता. त्यांना पहाण्यासाठी मुंबईतील मरिन ड्राईव्हवर लाखो मुंबईकरांची गर्दी झाली होती. त्यामुळे तेथे वाहतूक खोळंबली होती. शेवटी ‘गर्दी करू नका’, असे मुंबई पोलिसांना आवाहन करावे लागले.