वारकरी दिंड्यांना अनुदान देण्यासाठी माहिती संकलिक करण्याचे काम चालू ! – ह.भ.प. अक्षय महाराज भोसले, प्रदेशाध्यक्ष, शिवसेना आध्यात्मिक आघाडी
वारकर्यांचे प्रश्न सोडवण्यासाठी आध्यात्मिक आघाडी सातत्याने प्रयत्नरत
![](https://static.sanatanprabhat.org/wp-content/uploads/sites/3/2022/05/30142331/belvgav_dindi_varkari_pathak.jpg)
कोल्हापूर – राज्यातील नोंदणीकृत दिंड्यांना राज्यशासनाने २० सहस्र रुपये अनुदान देण्याचा निर्णय घेतला आहे. या संदर्भात मंत्रालय स्तरावर माहिती संकलित करण्याचे काम चालू आहे. लवकरात लवकर आषाढी चालू होण्याच्या पूर्वी हे अनुदान वारकर्यांना मिळण्यासाठी आम्ही पाठपुरावा करत आहोत. वारकर्यांचे प्रश्न सोडवण्यासाठी आध्यात्मिक आघाडी सातत्याने प्रयत्न करत असून वारीच्या कालावधीत गरीब, शेतकरी वारकर्यांना या अनुदानाचा निश्चित लाभ होईल. गतवर्षीही आषाढी वारीच्या अगोदर मुख्यमंत्री एकनाथ शिंदे यांनी पंढरपूर येथे जाऊन तेथील कामांचा आढावा घेऊन सूचना दिल्या होत्या. यंदाही वारकर्यांचे प्रश्न सोडवण्यासाठी आम्ही कटीबद्ध आहोत, अशी माहिती शिवसेना आध्यात्मिक आघाडीचे प्रदेशाध्यक्ष ह.भ.प. अक्षय महाराज भोसले यांनी दिली.