Bharat Gaurav Award : सनातन संस्थेचे संस्थापक सच्चिदानंद परब्रह्म डॉ. जयंत आठवले यांना घोषित झाला ११ वा ‘भारत गौरव पुरस्कार !’

‘संस्कृती युवा संस्थे’च्या वतीने ५ जूनला फ्रान्सच्या संसदेत होणार सम्मान !

जयपूर (राजस्थान) –  भारतीय संस्कृती आणि सभ्यता यांच्या जागतिक प्रसारासाठी केलेल्या अद्वितीय योगदानासाठी सनातन संस्थेचे संस्थापक सच्चिदानंद परब्रह्म डॉ. जयंत आठवले यांना ११ व्या ‘भारत गौरव पुरस्कारा’ने सन्मानित केले जाणार आहे. ‘संस्कृती युवा संस्थे’च्या वतीने ५ जून २०२४ या दिवशी फ्रान्समधील सिनेटमध्ये (संसदेत) हा पुरस्कार देण्यात येईल, असे संस्थेचे अध्यक्ष पंडित सुरेश मिश्रा यांनी घोषित केले आहे.

सच्चिदानंद परब्रह्म डॉ. जयंत आठवले यांच्या वतीने त्यांच्या आध्यात्मिक उत्तराधिकारी श्रीसत्‌शक्ति (सौ.) बिंदा सिंगबाळ आणि श्रीचित्‌‌शक्ति (सौ.) अंजली गाडगीळ हा पुरस्कार स्वीकारतील.

The Founder of @SanatanSanstha, Sachchidananda Parabrahman Dr. Jayant Athavale to be awarded the 11th ‘Bharat Gaurav Award’!

The honor will be held in the French Parliament on June 5 on behalf of ‘Sanskrit Yuva Sanstha’!

Honoured for His unique contribution to the advancement… pic.twitter.com/xoZZen4Jsn

— Sanatan Prabhat (@SanatanPrabhat) June 4, 2024

‘भारत गौरव पुरस्कार’ सोहळा या पूर्वी ‘युनायटेड किंगडम हाऊस ऑफ कॉमन्स’ (ब्रिटन), संयुक्त राष्ट्र्रे आणि अटलांटिस आणि दुबई, अशा प्रतिष्ठित ठिकाणी आयोजित करण्यात आला होता. या वेळी फ्रान्समधील सिनेटमध्ये आयोजित करण्यात येणार आहे. या सोहळ्यात भारत आणि भारतीय जनसमुहातील प्रतिष्ठित व्यक्तींना सन्मानित केले जाते, जे भारतीय संस्कृती आणि सभ्यतेच्या प्रसारात महत्त्वपूर्ण भूमिका बजावतात.