शीख नागरिक हरदीप मलिकच्या जिवाला धोका : कॅनडा पोलिसांचा भारतावर संशय !

ओटावा – कॅनडाच्या पोलिसांनी त्यांचा एक शीख नागरिक हरदीप मलिक याच्या जिवाला धोका असल्याचे सांगत भारतावर संशय व्यक्त केला आहे. हरदीपचे वडील रिपुदमन सिंह मलिक याचीही वर्ष २०२२ मध्ये हत्या झाली होती. या प्रकरणीही भारताच्या भूमिकेची चौकशी करण्याची मागणीही कॅनडाच्या पोलिसांनी केली आहे. रिपुदमन सिंह मलिक हा वर्ष १९८५ मध्ये एअर इंडियाच्या विमानात झालेल्या भीषण बाँबस्फोटातील आरोपी आहे.

१. रिपुदमन सिंह याच्यावर सामूहिक हत्या आणि कट रचल्याचा आरोप आहे, ज्यात ३३१ लोक मारले गेले होते; मात्र २००५ मध्ये रिपुदमन सिंह याची आरोपातून निर्दोष मुक्तता करण्यात आली होती.

Threat to life of Canadian Sikh Hardeep Malik, son of #Khalistani #terrorist Ripudaman Singh – Canadian police suspect India’s involvement.

👉 To blame India for every wrong has become a habit of the North American nation.

👉India should reconsider it’s social and economic… pic.twitter.com/t82jJtrB4R

— Sanatan Prabhat (@SanatanPrabhat) May 24, 2024

२. रिपुदमन सिंह मलिक याची १४ जुलै २०२२ या दिवशी सरे येथील त्याच्या कार्यालयाबाहेर गोळ्या झाडून हत्या करण्यात आली होती. या हत्येमागे भारत सरकारचा हात होता का ? याचे अन्वेषण पोलीस अधिकारी करत आहेत.

३. रिपुदमन सिंह याची पत्नी आणि इतर कुटुंबीय गेल्या आठवड्यात फ्रान्समध्ये प्रवास करत होते. या वेळी कॅनडा पोलिसांनी हरदीप मलिक याला पत्र दिले की, गुन्हेगारी कटामुळे त्याच्या जिवाला धोका निर्माण होऊ शकतो.

४. जून २०२३ मध्ये निज्जर याच्या हत्येपूर्वी त्यालाही असेच पत्र देण्यात आले होते.