Eijaz Ahmad Shaikh : काश्मीरमध्ये २ जिहादी आतंकवादी आक्रमणात भाजपच्या माजी सरपंचाची हत्या

एक दांपत्य घायाळ

श्रीनगर (जम्मू-काश्मीर) – काश्मीरमध्ये १८ मेच्या रात्री २ ठिकाणी जिहादी आतंकवाद्यांनी आक्रमणे केली. यांतील पहलगाममध्ये आतंकवाद्यांनी पर्यटनासाठी आलेल्या एका दांपत्यावर गोळीबार केला. यात घायाळ झालेले फराह आणि तबरेज यांची प्रकृती चिंताजनक आहे. त्यांच्यावर रुग्णालयामध्ये उपचार चालू आहेत. हे दांपत्य जयपूर येथून आले होते. दुसर्‍या घटनेत आतंकवाद्यांनी शोपियांच्या हीरपोरामध्ये भाजपचे स्थानिक नेते एजाज अहमद शेख यांच्यावर गोळ्या झाडल्या. एजाज अहमद यांना रुग्णालयात नेले असता त्यांचा मृत्यू झाला. एजाज अहमद हे माजी सरपंच होते.