Khalistani Terrorist Nijjar Murder Case : खलिस्तानी आतंकवादी निज्जर याच्या हत्येच्या प्रकरणी कॅनडामध्ये आणखी एका भारतियाला अटक

ओटावा (कॅनडा) : खलिस्तानी आतंकवादी हरदीपसिंह निज्जर याच्या हत्येच्या प्रकरणी कॅनडाच्या पोलिसांनी आणखी एका भारतीय नागरिकाला अटक केली. अमनदीप सिंह (वय २२ वर्षे) असे त्याचे नाव आहे. बेकायदेशीरित्या बंदुक बाळगल्याच्या आरोपावरून अमरदीप आधीच पोलिसांच्या कह्यात होता.

यापूर्वी करण ब्रार (वय २२ वर्षे), कमलप्रीत सिंह (वय २२ वर्षे) आणि करणप्रीत सिंह (वय २८ वर्षे) या तिघा भारतियांना ३ मे या दिवशी अटक करण्यात आली आहे. हे तिघेही कॅनडातील एडमंडनमध्ये रहाणारे आहेत. निज्जर (वय ४८ वर्ष) याची १८ जून २०२३ या दिवशी कॅनडातील सरे शहरातील गुरु नानक गुरुद्वाराबाहेर हत्या करण्यात आली होती.