Dabholkar Murder Case Verdict : डॉ. वीरेंद्रसिंह तावडे, अधिवक्ता संजीव पुनाळेकर आणि विक्रम भावे निर्दोष घोषित !

दाभोलकर हत्या प्रकरणाचा निकाल !

पुणे – आताच पुणे जिल्हा आणि सत्र न्यायालयाने बहुचर्चित डॉ. नरेंद्र दाभोलकर खटल्याचा निकाल दिला. सर्वांत मोठी गोष्ट म्हणजे ३ जणांची न्यायालयाने निर्दोष मुक्तता केली आहे. डॉ. वीरेंद्रसिंह तावडे, अधिवक्ता संजीव पुनाळेकर आणि विक्रम भावे यांची न्यायालयाने निर्दोष मुक्तता केली. तर अन्य २ आरोपी सचिन अंदुरे आणि शरद कळसकर यांना मात्र न्यायालयाने दोषी ठरवले आहे. त्यांना जन्मठेपेची शिक्षा सुनावण्यात आली आहे.

बचाव पक्षाचे अधिवक्ता प्रकाश साळसिंगीकर यांनी निकालाचा आदर राखत म्हटले की, अंदुरे आणि कळसकर यांच्या मुक्ततेसाठी उच्च न्यायालयात धाव घेऊ.