पुणे येथे रेल्वे अधिकारी लाच घेतांना केंद्रीय अन्वेषण यंत्रणेच्या जाळ्यात !

पुणे – प्रवास करतांना रेल्वे सवलतीचे पत्र (पास) हरवल्यानंतर नवीन पत्र देण्यासाठी अर्ज केलेल्या अपंग व्यक्तीकडून १ सहस्र ८०० रुपयांची लाच स्वीकारतांना सुब्रतो या रेल्वे अधिकार्‍यावर कारवाई करण्यात आली. ही कारवाई केंद्रीय अन्वेषण यंत्रणेने (सीबीआयने) केली. या प्रकरणी अपंग व्यक्तीने सीबीआयकडे तक्रार केली होती. तक्रारदाराची ४ एप्रिल या दिवशी रेल्वेतून प्रवास करतांना सर्व कागदपत्रे असलेली पिशवी चोरीला गेली. तक्रारदाराने सवलतीचे पत्र पुन्हा मिळावे यासाठी अर्ज केला होता. ते देण्यासाठी सुब्रतो यांनी लाच मागितली होती.